التزييف والهياط المنتشر بالسناب إلى متى ؟

السلام عليكم احبتي اعضاء ال جريح
اول موضوع لي هون اتمنى افيد فيه واستفيد
كثرت حسابات السناب اللي فيها مفاخرة بالنعم
اكلات منوعة وهدايا منوعة وحب وغراميات
يصورون لنا ان الحياة كلها بذخ ونعيم بس
وكان اللي يصور ملاك مايحزن ولايبكي ولايحتاج
نقدي على الهدايا العلنية زي ماشفتوا الترند
هذولا مايخافون من العين والا بس الهدايا مجاهرة بس ؟؟
ليش مافيه قانون ياخذ عليهم ضرايب حتى يخلون الهياط والكذب ؟
والله اعرف ناس كثير انهدمت بيوتهم بسبب هالتزييف
ونصيحة لكل بنت لاتصدقين كل اللي يصورونه ترا كله اعلانات بس
مدفوع لهم كل شي
ناقشوني
شكرا لكم
بقلم بنتكم النوري بنت ناصر

مهاجر و 7 آخرون معجبون بهذا

ختَّمَتُ بّكْ قَلَبَيْ ♥ ,ضلعٍ آعوج ,- مُترفه ,- نآدرْ آلشمّريْ ♛ ,♥тмάяđ ,قَطَعة مِنْ قَلَبَهـ ♥ ,آضيِع بـ لَمّة حِضَنكْ ❀

المصدر : منتديات جريح الليل - من ❤️ موآضيع سآخنة لـ آلنقاش ..

_
وعليكم السلام ورحمة الله اولآ نورتينا ي حلوتي

ثانيآ اتوقع كل شي لازم يأخذ وقته وبعده ينتهي
فالسناب له دورة حياة لابد تنتهي يوما ما مفررض نستفيد من ايجابيته .
كل مايظهر برنامج من برامج التواصل الاجتماعي راح
نحس بسلبياته ولكن فيه ايجابيات بعد .

،
قبل كل شي نقدر إننا نلغي متابعة الشخص اللي
يضايقنا بهياطه زي م قلتي او تفاخره باللي عنده صح ؟
يعني كل شي بيدنا نقدر إننا نرفعه او ننزل هالشخص

،
او اننا نتابعه ولكن في قرارة أنفسنا يكون عندنا قناعة بحياتنا ونمطها نتابع للمتعه وللفائدة فقط !
بس بالمقابل ما تأثر علينا وتهدم حياتنا
ولازم نكون عارفين ان هذا المشهور بشر طبيعي راح يتكدر وبيكون عنده منغصات في حياته ولكنه يكون مجتهد ان هالجزء مايظهر للعلن .
بالنسبه لي قلة مشاهير عندي وافضل انه اللي مايفيدني بشي جديد مااتابعه ولاادور عليه .
وانا اشوفه باب رزق انفتح لهم وهم استعملوه بذكاء
ولو ان بعضهم غرته الشهره واخذ منحنى اخر مايهمنا :)


شكرا على موضوعك الجميل ..
ماننحرم منك يارب

مهاجر و 5 آخرون معجبون بهذا

ضلعٍ آعوج ,آضيِع بـ لَمّة حِضَنكْ ❀ ,آلنوريْ بنت نآصرْ❋ ,- مُترفه ,- نآدرْ آلشمّريْ ♛

للأسف فعليآ ان بعض البنات تتأثر
خصوصآ صغيرات السن ..
موضوع في قمة الأبداع النوري
كفيتي ووفيتي حقيقة ..
مابعد كلامك كلام
1000م / 1000ت / اعجابي / نجومي .. رفع

مهاجر و 5 آخرون معجبون بهذا

♥тмάяđ ,ضلعٍ آعوج ,آضيِع بـ لَمّة حِضَنكْ ❀ ,- مُترفه ,آلنوريْ بنت نآصرْ❋

وعليكم السلام ورحمَة الله وبركآته

فِعلاً الشيء لآ زاد عن حدّه صَار مُقرف
لِيت بَس فيه شَيء يمنعهم مِن هالأشيَاء
و مثل مَ قلتي حياتهم كُلها إعلانات عشَان كذا
و واضح لنا هالفتره قد إيش مشَاهير هجدوا !
والعكس اللي صَار يستغلوا كُويس
فِعلاً ليت يفكروا كُويس لانو مو بس الكبار اللي يتابعوهم
فِيه الصغار واللي يتأثروا ، واللي عَ طول يطلبوا مثلهم
فِيه اللي حالاتهم اللي عَ قدهم ويحزّ فِ خواطرهم ،
فَ كل واحد بيده انو يستغّل شهرته أو العكس
و أتفّق تمامًا مع كلام تمرّد ، فِي كل الاحوال
و القرار بيدنا إحنَا اللي نتابعهم و نِلغيهم ،
كنت من النوع اللي يِضيف المشاهير
ويتابع يوميّاتهم أول بأول ، كنت اعلق كثير
بس فكرت وقلت ايش حستفيد من هذا كله
وقتي يروح عَ الفاضي ، الافضل إني أستغل
واضيف النّاس الايجابيه والمليانه فوائد !
صفّيت جميع المُضافين وحولتهم لنَاس استفيد منهم
ومَ اندم ع الوقت اللي يروح في مُتابعتي لهم
بكدَا استفيد واريّح دماغي : )

وفقتي يَ النّوري بارك الله فِيك
يعطيك العافيه يارب .

مهاجر و 4 آخرون معجبون بهذا

♥тмάяđ ,ضلعٍ آعوج ,آضيِع بـ لَمّة حِضَنكْ ❀ ,آلنوريْ بنت نآصرْ❋

قلبو
تجاهلتهم سناب وطلعوهم ترند تويتر احيان فرض علينا نشوفهم قلبو أنا ماني ضد النجاح بس اللي يسوونه بعيد عن النجاح انا وش استفيد من هدايا الالماس والسيارات بينهم مافي اي فائدة الا نهم يزرعون في بناتنا ان المفروض والواجب رجلك يهديك كذا غير منطقي الوضع
أوفر حبتين

مهاجر و 2 آخرون معجبون بهذا

ضلعٍ آعوج ,آضيِع بـ لَمّة حِضَنكْ ❀

صحيح قلبو
يسلم لي هالمنطق واللهه
تقييمي لردك لانه في الصميم

مهاجر و 2 آخرون معجبون بهذا

ضلعٍ آعوج ,آضيِع بـ لَمّة حِضَنكْ ❀

صدقيني ماراح يتأثر الناضج والفاهم
والقنوع واللي راضي بحياته كيف ماكانت سواء عنده او ماعنده .
ونادراً مايتأثر المراهقين واللي مع الخيل ي شقرآ واللي قلبه ضعيّف وعينه ماتشبع
وهالاغلبيه هم اللي تنهدم بيوتهم بيدينهم
بتفكيرهم الغير منطقي .
/*
يبنت الحلال ..اللي عقله براسه مابيضيع وذولا الفئه احس انهم ماعندهم حياه طبيعيه اصلاً
اوم الفراغ والطمع المادي يخليهم يتنافسون بكذب وكلن يقول الزود عندي ياليتهم بشي يفيدهم بدينهم ودنيتهم
اشفق عليهم حالهم مزري صراحه
/*
بالنسبه لي انا فخوره بنفسي جداً لاني ماوصلت لمرحله اني اتابعهم ابداً ..
مو مزاجي ولا لهم وقت ابد
لو ابي اضيع وقتي ضيعته بشي يوسع صدري او استفيد
/*

ي جميله تقييمي +متآبعتي الدآىمة لك ولكل جديدك +الف شكراً

آلنوريْ بنت نآصرْ❋ و 3 آخرون معجبون بهذا

مهاجر ,♥тмάяđ ,آضيِع بـ لَمّة حِضَنكْ ❀

حقيقه انا لست من المتابعين
ولكن من خلال موضوعك القيم
اتضحت لي الفكره تماما ومدى تأثيرها
على مجتمعنا العربي ككل بعد أن أصبحت
المقارنه مختصره في أمور التباهي
وهي مكانها الحقيقي القيم.

لذلك يجب أن نعي بأن هذا الجانب
المضيء الذي ظهر به الملقى
لا يمثل حياه كامله وإنما هو فقط جزءه
المفضل الذي يخفي من خلاله حياه
غالبا ما تكون بائسه خلف الكواليس
بعد أن غاب عنهم الترف الحقيقي وهو
الترابط الخالي من الزيف والمصلحه.

حقيقه اختي موضوعك الأول
يدل على اننا امام قلم يتغذى
من فكر نير

تحياتي

ضلعٍ آعوج و 2 آخرون معجبون بهذا

آلنوريْ بنت نآصرْ❋ ,♥тмάяđ

الله يسعدكم نورتوني بأرائكم وكلامكم
بأذن الله نلتقي في موضوع آخر حصري
واتشرف بحضوركم جميع فيه

ضلعٍ آعوج معجب بهذا

يعطيك العافيه على الذائقه
راق لي حضوري هنا
باقه من الورد لروحك الطيبه